काठमाडौं । नेपाली बजारमा मंगलबार (आज)सुनको मूल्य वृद्धि भएको छ ।
नेपाल सुनचाँदी व्यवसायी महासंघका अनुसार सोमबारको तुलनामा आज सुनको मूल्य करिब ५ हजार रुपैयाँले बढेको हो ।
आज सुनको मूल्य प्रतितोला २ लाख ४६ हजार ४ सय रुपैयाँ तोकिएको महासंघले जनाएको छ।
सोमबार सुन तोलामा २ लाख ४१ हजार ५ सय रुपैयाँमा कारोबार भएको थियो । यसहिसाबमा आज एकै दिन सुनको मूल्य तोलामा ४ हजार ९ सय रुपैयाँले बढेको हो ।
आज चाँदीको मूल्य पनि बढेको छ । सोमबार तोलाको ३ हजार ६५ रुपैयाँमा कारोबार भएको चाँदी आज ३ हजार १७० रुपैयाँ तोकिएको महासंघले जनाएको छ ।
प्रतिक्रिया