सुनको भाउ आज पनि बढ्यो, अहिलेसम्मकै महँगो बन्दा कतिमा भइरहेको छ कारोबार ?

काठमाडौं । अन्तर्राष्ट्रिय बजारमा सुनचाँदीको मूल्यमा वृद्धि भएसँगै त्यसको प्रभाव स्थानीय बजारमा पनि परेको छ ।

गत शुक्रबार प्रतितोला दुई लाख १० हजार ४०० मा कारोबार भएको सुनको भाउ आज १६००ले बढेर दुई लाख १२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ । चाँदीको मूल्य पनि तोलामा १० ले बढेको छ । आज एक तोला चाँदी दुई हजार ५०० मा किनबेच भइरहेको छ ।

गत बुधबार एक तोला सुन दुई लाख सात हजार ९०० र त्यति नै परिमाणको चाँदी दुई हजार ४८० मा खरिदबिक्री भएको थियो ।

अन्तरराष्ट्रिय सञ्चारमाध्यमहरूका अनुसार आज अन्तरराष्ट्रिय बजारमा सुन प्रतिऔंस तीन हजार ५८६ अमेरिकी डलरमा कारोबार भइरहेको छ ।