राप्रपा सांसद दीपक बोहराको निधन

काठमाडौं । राष्ट्रिय प्रजातन्त्र पार्टी (राप्रपा) सांसद दीपक बोहराको निधन भएको छ ।

राप्रपावरिष्ठ नेता एवं पूर्वमन्त्री बोहराको उपचारको क्रममा काठमाडौंको ओम अस्पतालमा निधन भएको हो ।

राप्रपा प्रवक्ता मोहन श्रेष्ठले बोहोराको ओम अस्पतालमा उपचारका क्रममा निधन भएको जनाएका छन् ।

उनी रुपन्देही क्षेत्र नम्बर-३ बाट निर्वाचित भएका थिए । उनलाई पोस्ट कोभिडका कारण घाँटीमा समस्या देखिएको थियो । पोस्ट कोभिडका कारण उनको घाँटीमा क्यान्सर भएको थियो । जसका कारण उनी बोल्न नसक्ने अवस्थामा पुगेका थिए ।