काठमाडौं । शुक्रबार राजावादीले काठमाडौंको तीनकुनेमा आयोजना गरेको प्रशर्शन तनावग्रस्त बनेको छ ।
दुर्गा प्रसाईंको कमाण्डमा भएको राजावादीको आन्दोलनमा काठमाडौं उपत्यकाका विभिन्न स्थानबाट जुलुस तीनकुनेमा भेला भएको थियो ।
तीनकुनेमा भेला भएका प्रदर्शनकारी निषेधित क्षेत्र बानेश्वरतर्फ अघि बढ्न खोजेपछि प्रहरीले उनीहरुलाई रोक्न खोजेको थियो ।
प्रहरीले रोक्न खोज्ने र आन्दोलनकारी अघि बढ्न खोज्ने हुँदा धक्कामुक्का भएको थयो ।
प्रहरीले बारम्बार पछाडि हट्न अनुरोध गरेको भए पनि राजावादीहरुले नमानेपछि सुरुमा प्रहरीले पानीको फोहोरा प्रहार गरेको थियो । स्थितिलाई नियन्त्रणमा लिन नसकेपछि प्रहरीले केही राउण्ड अश्रुग्यास प्रहार गर्यो ।
प्रहरीको अश्रुग्यास प्रहारपछि आन्दोलनकारी उग्र बने । उनीहरुले तीनकुने क्षेत्रका घरहरुमा ढुंगामुढा गरे । त्यसक्रममा कयौं घरमा क्षति पुग्यो ।
प्रहरी र प्रदर्शनकारीबीच तनाव जारी रहँदा प्रहरीले घरभित्र बसेर अश्रुग्यास हानेको भन्दै प्रदर्शनकारीले एक घरमा आगो लगाइदिए ।
आगो निभाउन प्रहरीले प्रयास गरेको भए पनि आन्दोलनकारीले उनीहरुलाई अघि बढ्न दिएनन् ।
आगो निभाउन गएको दमकलमाथि पनि आन्दोलनारीले ढुंगा प्रहार गरेपछि दमकल फर्किएको थियो ।
आन्दोलनकारीले कान्तिपुर टेलिभिजन, अन्नपूर्ण पोष्टको कार्यालयमा पनि ढुंगा प्रहार गरेका छन् ।
आन्दोलनकारी उग्र बनेपछि प्रहरीले ३ राउण्ड हवाइ फायरसमेत गरेको छ ।
त्यसक्रममा आन्दोलनकारी र प्रहरीतर्फ गरि दर्जनबढी घाइते भएका छन् ।
प्रतिक्रिया