कान्तिपुरपछि अन्नपूर्ण पोस्टको कार्यालयमा राजावादीको आक्रमण, गरे ढुंगामुढा

3.5k
Shares

काठमाडौं । राजावादी समर्थित प्रदर्शनकारीले अन्नपूर्ण पोस्ट दैनिकको कार्यालयमा ढुंगामुढा प्रहार गरेका छन् । प्रदर्शनकारीले तीनकुनेस्थित पत्रिकाको मुख्यालय तोडफोड गरेका हुन् ।

अन्नपूर्ण पोस्टका अनुसार प्रहरीले तीनकुनेबाट भीडलाई तितरवितर पारेपछि उनीहरू अन्नपूर्ण कार्यालय अगाडि आएर ढुंगामुढा गरेका हुन् । त्यसअघि राजावादी आन्दोनकारीले अन्नपूर्ण पोस्ट नजिकै एक घरमा आगलागी गरेका थिए ।

राजावादीहरुको समूहले कान्तिपुर मिडियाको कार्यालयमा ढुंगामुढा गरेका थिए । शुक्रबार तीनकुनेमा प्रदर्शन आयोजना गरेका राजावादीले उक्त क्षेत्रका कयौं घरमा ढुंगामुढा गरेका छन् भने एक घरमा आगोसमेत लगाइदिएका छन् ।

त्यसक्रममा सशस्त्र प्रहरीका एकजनामाथि समेत प्रदर्शनकारीले ढुंगा प्रहार गरेका छन् । ढुंगा लागेर उनी घाइते भएका छन् ।