राजा ल्याउने आन्दोलनमा जाँदा ३ लाखको सुनको सिक्री चैट !

काठमाडौं । राजावादीको सभामा सहभागी एक प्रदर्शनकारीले आफ्नो दुई तोलाको सिक्री लुटिएको बताएका छन् । तीनकुनेमा भएको प्रदर्शनमा सहभागी हुन आएका एक व्यक्तिले जुलुसतर्फ अघि बढ्दा पछाडिबाट थिचेर घाँटीमा लगाएको सिक्रि छिनिइएको बताएका हुन् ।

सामाजिक सञ्जालमा भाइरल बनिरहेको एक भिडियोमा उनले भनेका छन्, ‘झ्याप समाइहाल्यो घाँटीमा । पछाडिबाट । घाँटीमा समाइहाल्यो । लुटिहाल्यो त ।’ उनले राजा पक्षमा आन्दोलन गर्दा साढे २ लाखभन्दा बढी मूल्यको सुनको सिक्री लुटिएएकाले आफूसँग रूनुबाहेक आफूसँग विकल्प नभएको पनि बताएका छन् ।

लुटिनेको नाम खुलिसकेको छैन । उनले आह्वान गरेका छन्, ‘जसले लुटेको हो उसले शतिसनारायण नगेन्द्रलाई सिक्री दिनु ।’

उनको बिलौना छ, ‘साढे दुई तोलाको सिक्री थियो। अब मैले कहाँबाट ल्याउने? घर कसरी जानु ?’