काठमाडौं । हुन्डाईको बहुप्रतिक्षित कार क्रेटा ईभी नेपाली बजारमा सोमबारदेखि बिक्री सुरु हुने भएको छ।
भारतमा उत्पादन भएको यो कार नेपाली बजारमा बिक्री सुरु हुन लागेको हो । कोरियन कार निर्मात कम्पनीले हुन्डाईले आयोनिक फाईभ र कोना ईभीको फिचरहरु प्रयोग गरेर यो कार उत्पादन गरेको हो ।
हुन्डाईका लागि नेपालको आधिकारिक बितरक लक्ष्मी इन्टरकन्टिनेन्टलले विशेष कार्यक्रममार्फत सार्वजनिक गरेर यो कार नेपाली बजारमा बिक्री सुरु गर्न लागेको हो । भारत मोबिलिटी ग्लोबल एक्स्पो-२०२५ मार्फत यो कार भारतीय बजारमा सार्वजनिक भएको थियो ।
लक्ष्मी कन्टिनेन्टलले पेट्रोलबाट चल्ने क्रेटा १० हजार युनिटभन्दा धेरै बिक्री गरिसकेको छ । क्रेटा ईभी पनि लोकप्रियताका साथ बिक्री हुने कम्पनीको विश्वास छ ।
हुन्डाईले क्रेटा ईभी ९९ किलोवाट र १२६ किलोवाट मोटर अप्सनमा उपलब्ध गराउनेछ । ९९ किलोवाटको मोटरसँग ४२ किलोवाट क्षमताको ब्याट्री हुनेछ । यसले ३९० किमी रेन्ज दिन्छ ।
१२६ किलोवाटको मोटरसँग ५१.४ किलोवाटको ब्याट्री हुनेछ । यसले ४७३ किमी रेन्ज दिन्छ । लुक्स र डिजाइन क्रेटाको जस्तै हुनेछ भने इन्टेरियरमा केहि परिवर्तन हुने कम्पनीले बताएको छ ।
डीसी फास्ट चार्जरको माध्यमबाट १० देखि ८० प्रतिशत चार्ज गर्न ५८ मिनेट लाग्ने छ। घरमा प्रयोग गरिने ११ किलोवाट एसी चार्जरले ब्याट्रीलाई पूर्ण चार्ज गर्न करिब ४ घण्टा समय लिने जनाइएको छ ।
हुन्डाई क्रेटा ईभीको डिजाइन पेट्रोल र डिजेल संस्करणसँग मिल्दोजुल्दो छ । तर, इलेक्ट्रिक मोडलका लागि केही परिवर्तनहरू गरिएको छ । ब्ल्याक-आउट ग्रिल, चार्जिङ पोर्टका लागि विशेष फेन्डर, एक्टिभ एयर फ्ल्याप, र नयाँ बम्पर डिजाइन यसलाई अझ आकर्षक बनाएको छ ।
इन्टेरियरमा यो गाडी अत्याधुनिक प्रविधिले भरिपूर्ण छ । १०.२५ इन्चको डुअल स्क्रीन: इन्फोटेनमेन्ट र डिजिटल इन्स्ट्रुमेन्ट क्लस्टरका लागि। प्यानोरामिक सनरूफ, भेन्टिलेटेड सिट्स, ३६० डिग्री क्यामेरा, र भीटूएल (भेइकल टू लोड) जस्ता सुविधाले गाडीलाई नयाँ स्तरमा पुर्याउने कम्पनीको दाबी छ ।
यस इलेक्ट्रिक गाडीमा अडभान्स ड्राइभर असिस्टेन्स सिस्टम जस्ता प्रविधिहरू समावेश छन् । जसमा: लेन कीप असिस्ट, फर्वार्ड कोलिजन वार्निङ, ब्लाइन्ड स्पट वार्निङ, अडाप्टिभ क्रुज कन्ट्रोल लगायत रहेका छन् ।
६ एयरब्याग रहेको क्रेटा ईभीमा एबीएस विथ ईबीडी, हिल डिसेन्ट कन्ट्रोल, लेन चेन्ज इडिन्केटर विथ फ्लास एडजस्टमेन्ट जस्ता सुरक्षा फिचर छन् । टिमरसहितको रियर डिफोगर, अटो होल्डसहितको ईपीबी र एफआर क्यामेरा, राडार र आरआर राडारसहितको एडास फिचर गाडीमा छ ।
क्रेटा ईभीले ७.९ सेकेन्डमै शून्यदेखि १०० किलोमिटर प्रतिघण्टाको गति दिने कम्पनीले जनाएको छ ।
गाडीको ब्याट्रीबाट अन्य कुरा चार्ज गर्न एवं उपकरण चलाउन भीटूएल, एक्यूआई इन्डिकेटर, ड्राइभ मोडल सिलेक्ट, रियर वाईपर र वासर, क्रुज कन्ट्रोल सुविधा छ ।
यो कारको नेपालमा कति मूल्य पर्छ भन्ने विषयमा कम्पनीले कुनै जानकारी सार्वजनिक गरेको छैन् । कम्पनीका जनरल मेनेजर दीपक थपलियाले ५० देखि ६० लाख रुपैयाँसम्म पर्ने बताए । स्रोतका अनुसार ५५ लाख रुपैयाँ हाराहारीमा फुल अप्सनका लागि मूल्य पर्नेछ ।
प्रतिक्रिया