वीरगञ्ज । नेपालका लागि टाटा मोटर्सको एकमात्र आधिकारिक वितरक सिप्रदी ट्रेडिङ्ग प्रालिले टाटा योद्धा १.५ टी को क्षेत्रीय लन्च वीरगञ्जमा सम्पन्न गरेको छ।
व्यावसायिक प्रयोजनका लागि डिजाइन गरिएको यो शक्तिशाली पिकअप अब वीरगञ्जका ग्राहकहरूको लागि सहज रूपमा उपलब्ध हुने कम्पनीले जनाएको छ ।
कार्यक्रममा प्रमुख अतिथि अनिल अग्रवाल, अध्यक्ष, वीरगञ्ज उद्योग वाणिज्य संघ तथा विशिष्ट अतिथिहरू चिनिलाल पटेल, अध्यक्ष, पर्सा मदिरा व्यवसायी संघ, माधव राज पाल, उपाध्यक्ष, वीरगञ्ज उद्योग वाणिज्य संघ, तथा जग्गु शाह, अध्यक्ष, नेपाल तरकारी फलफूल व्यवसायी संघ को उपस्थितिमा गाडी सार्वजनिक गरिएको कम्पनीले जनाएको छ।
कार्यक्रममा प्रमुख अतिथि अनिल अग्रवालले टाटा मोटर्सको विश्वव्यापी प्रतिष्ठा, सिप्रदीसँगको सशक्त साझेदारी तथा उत्कृष्ट बिक्रीपछिको सेवाहरूको प्रशंसा गरे ।
‘टाटा मोटर्सले सधैं नेपाललाई प्राथमिक बजार को रूपमा लिएको छ। सिप्रदीले निरन्तर रूपमा गुणस्तरीय सवारीसाधन र प्रभावकारी सेवा उपलब्ध गराउँदै आएको छ। योद्धा १.५ टी को प्रवेशले स्थानीय व्यवसायीहरूलाई उत्कृष्ट पिकअप विकल्प प्रदान गर्नेछ’ उनले भने ।
कार्यक्रममा बोल्दै, एजीएम– सीभी सेल्ल, सिप्रदी, कृष्ण चन्दले टाटा योद्धा १.५ टी को टिकाउपन, उच्च भार बहन क्षमता र व्यवसायिक कुशलताका फाइदाहरू उल्लेख गरे ।
‘टाटा योद्धा १.५ टी सिर्जनशील प्रविधि र उत्कृष्ट प्रदर्शन को नमूना हो। यसको उच्चतम पेलोड क्षमता, शक्तिशाली इन्जिन, तथा अप्ठ्यारा बाटामा सहज चल्ने क्षमता ले व्यवसायीहरूलाई थप फाइदा पुर्याउनेछ। हामी विश्वास गर्छौं कि योद्धा १.५ टी नेपाली व्यवसायका लागि उत्तम साझेदार बन्नेछ’ उनले भने ।
टाटा योद्धा १.५ टी का प्रमुख विशेषताहरूमा शक्तिशाली ३एल (२९५६ सीसी) डीजल इन्जिन – २५०एनएम टर्कसहित१५०० किलोग्राम (१.५ टन) सम्मको भार बहन क्षमता रहेको छ । ३०% ग्रेडिएबिलिटी –अप्ठ्यारा बाटाहरू सहज पार गर्न सक्षम । मजबुत बनावट, उच्च ग्राउन्ड क्लियरेन्स र आरामदायी ड्राइभिङ्ग अनुभव प्राप्त हुने छ । ४x२ तथा ४x४ विकल्पमा उपलब्ध
सिप्रदी ट्रेडिङ्ग प्रालिले नेपालभर आफ्नो बलियो बिक्री तथा सेवा नेटवर्क मार्फत ग्राहकहरूको आवश्यकताहरू पूरा गर्दै आएको कम्पनीले जनाएको छ । वीरगञ्जमा सम्पन्न यस लन्च कार्यक्रम मार्फत सिप्रदीले व्यवसायिक ग्राहकहरूको सफलताका लागि उत्कृष्ट गाडी र सेवा प्रदान गर्ने प्रतिबद्धता दोहोर्याएको छ ।
प्रतिक्रिया