काठमाडौं । नेपाल बिमा प्राधिकरणका नवनियुक्त अध्यक्ष शरद ओझाले पदभार ग्रहण गरेका छन् । अर्थमन्त्री विष्णु पौडेलबाट सपथ ग्रहण गरेसँग ओझा कुपन्डोलस्थित प्राधिकरणमा पुगेर पदभार सम्हालेका हुन् ।
सो क्रममा उनले सरकारले युवालाई जिम्मेवारी दिएकोमा आभार व्यक्त गरे ।
उनले भने, ‘सरकारले जिम्मेवारी दिएसँगै चुनौती पनि छ ।’
जिम्मेवारी पूरा गर्न नसक्दा सम्पूर्ण युवापुस्ताप्रतिको विश्वास पनि नरहन सक्ने भन्दै उनले भने, ‘४ वर्षमा बीमा क्षेत्रमा देखिने परिवर्तन हुनेछ ।’
आफूले प्रस्तुत गरेको कार्ययोजनाको आधारमा सरकारले नियुक्ति दिएको उनको दाबी छ ।
‘त्यो कार्ययोजना समेतको आधारमा योजना बनाएर अगाडि बढ्नेछु,’ उनले भने ।
सोमबार बसेको मन्त्रिपरिषदको वैठकले ओझालाई ४ वर्षका लागि अध्यक्षमा नियुक्त गरेको हो ।
३३ वर्षे ओझा नियामक निकायका सबैभन्दा कान्छा प्रमुख हुन् ।
प्रतिक्रिया