आज सुनको भाउ घट्यो, कतिमा भइरहेको छ कारोबार ?

काठमाडौं । पछिल्ला केही दिनमा लगातार बढेको सुनको भाउ आइतबार घटेको छ । नेपाली बजारमा सुनको मूल्य आज तोलामा ८ सय रुपैयाँले घटेको हो।

नेपाल सुनचाँदी व्यवसायी महासंघका अनुसार, छापावाल सुनको मूल्य साताको पहिलो कारोबार दिन ८ सयले घटेर तोलाको १ लाख ५७ हजार १ सय रुपैयाँ कायम भएको छ।

गत शुक्रबार सुनको मूल्य १ हजार ३ सयले बढेर तोलाको १ लाख ५७ हजार ९ सय रुपैयाँ पुगेको थियो । त्यसअघि, बिहीबार १ हजार २ सयको वृद्धि भएपछि १ लाख ५६ हजार ६ सय रुपैयाँमा कारोबार भएको थियो, भने बुधबार ४ सयले बढेर १ लाख ५५ हजार ४ सय रुपैयाँ पुगेको थियो।

यसैगरी, चाँदीको मूल्य पनि घटेको छ । महासंघका अनुसार, आइतबार चाँदी तोलामा ३० रुपैयाँले घटेर १ हजार ८ सय ६० रुपैयाँमा कारोबार भइरहेको छ। गत शुक्रबार चाँदीको भाउ १ हजार ८ सय ९० रुपैयाँ पुगेको थियो ।