धरौटी बुझाएपछि तीन जना छुटे, ६५ लाख नबुझाएकी लिला कारागार चलान

कास्की । कास्की जिल्ला अदालतले सूर्यदर्शन सहकारीको रकम अपचलन मुद्दामा संलग्न रहेका तीन जनालाई धरौटी बुझाएपछि रिहा गरेको छ ।

अदालतका अनुसार रिहा हुनेहरूमा आरती गुरुङ, पूर्वसांसद मीना गुरुङ र कृष्णबहादुर गुरुङ रहेका छन् । आरती र मीनालाई ५–५ लाख रुपैयाँ तथा कृष्णलाई १ लाख रुपैयाँ धरौटी माग गरिएको थियो ।

उनीहरु धरौटी बुझाएसँगै रिहा भएका हुन् । तर लीला पछाईँलाई भने अदालतले माग गरेको ३७ लाख रुपैयाँ धरौटी बुझाउन नसकेपछि कारागार चलान भएकी छन् ।

अदालतले यस मुद्दामा राष्ट्रिय स्वतन्त्र पार्टीका सभापति रवि लामिछानेलाई ६५ लाख रुपैयाँ र छविलाल जोशीलाई ८८ लाख रुपैयाँ धरौटी माग गरेको छ ।