पाँचौं खेलमा खुलेर खेल्दै पोखरा र विराटनगर

काठमाडौं । स्टार खेलाडी सन्दीप लामिछानेको कप्तानीमा भएको विराटनगर किङ्स र पोखरा एभेन्जर्स आज पाँचौं खेलमा आएर खुलेर खेलेको छन् ।

प्रतियोगितामा दुबै टोलीले ४ खेल खेलेर १ खेलमा मात्र जित निकालेका छन् । आजको खेलमा भने दुबै टोलीले उत्कृष्ट सुरुवात गरेका छन् ।

टस हारेर पहिले ब्याटिङ गरेको विराटनगरले खराव ब्याटिङ कन्डिसनका बाबजुद पनि राम्रो प्रदर्शन गर्यो ।

विराटनगरले निर्धारित २० ओभरमा ७ विकेट गुमाएर १३९ रन बनायो । विराटनगरका ओभनर लोकेश भामले २६ रन बनाए । उनले जम्मा १६ बलमा २ चौका र २ छक्काको सहयोगमा २६ रन बनाएका हुन् ।

यता स्कट आन्द्रेशले ४५ रन बनाए । बलिङतर्फ पोखराले पनि आज खुलेर खेल्यो । विपीन खत्री र रेमोन रेफरले २–२ विकेट लिए ।

यता १४० रनको लक्ष्य पछ्याएको पोखराले पावर प्लेमा १ विकेट गुमाएर ५९ रन बनाइ सकेको छ ।

प्रतियोगितामा हालसम्म एक मात्र शतक बनाउन सफल आन्द्रेश गौसले ३५ रन बनाइ सकेका छन् । यता दिनेश कडेलले ११ रन बनाएर आउट भए । कुशल ९ रन बनाएर क्रिजमा छन् ।