मैदानमा सुदूरको तुफान चल्दा जनकपुरले पहिलो हार चाख्यो

काठमाडौं । नेपाल प्रिमियर लिग (एनपीएल) क्रिकेटमा जनकपुर बोल्ट्सले पहिलो हार बेहोरेको छ । बुधबार भएको खेलमा सुदूरपश्चिम जनकपुरसँग ७२ रनले पराजित भएको हो ।

त्रिवि क्रिकेट मैदानमा सुदूरपश्चिमले दिएको १२४ रनको लक्ष्य पछ्याएको जनकपुरले १२ ओभर १ बलमा सम्पूर्ण विकेट गुमाउँदै मात्र ५१ रन बनायो।

जनकपुरका लागि जोसु ट्रम्पले १३ रन बनाउन बाहेक अन्य ब्याटरले दोहोरो अंकमा रन जोड्न सकेनन् । सुदूरपश्चिमका लागि हेमन्त सिंह, दिपेन्द्र सिंह ऐरी र इसान पाण्डेले २–२ विकेट लिए ।

यसअघि टस हारेर पहिले ब्याटिङ गरेको सुदूरपश्चिमले निर्धातिर २० ओभरमा ९ विकेट गुमाउँदै १२३ रन बनाएको थियो ।
सुदूरपश्चिमका लागि विनोद भण्डारीले सर्वाधिक ३३ रनको योगदान गरे । त्यस्तै सेफ जाइबले २१ रन जोड । सुदूरपश्चिमका लागि इसान पाण्डेले १७ रन बनाए ।

जनपुरका लागि किशोर महतोले ४ विकेट लिए । त्यस्तै शेर मल्ल र अरनिको यादवले २–२ विकेट लिए ।

आजको खेलमा जित निकाल्दै सुदूरपश्चिम अंक तालिकाको शीर्ष स्थानमा उक्लेको छ । सुदूरपश्चिमले ५ खेलमा ८ अंक जोडेर शीर्ष स्थानमा उक्लेको छ । समान खेल खेलेको जनकपुर ५ खेलबाट ८ अंक जोडेर दोस्रो स्थानमा छ ।