भरतपुर उड्न लागेको बुध्दको विमानमा प्राविधिक समस्या, ट्याक्सी वे रोकेर यात्रुलाई ओरालियो

काठमाडौं । सोमबार (आज) बिहान काठमाडौंबाट चितवनको भरतपुर उड्ने तयारीमा रहेको बुध्द एयरको जहाजमा प्राविधिक समस्या देखिएको छ । विमानले उडान भर्नुभन्दा ५ मिनेट पहिला समस्या देखिएको हो ।

जहाज बिहान ७ बजेर १५ मिनेटमा उड्ने तयारी रहेको विमानमा समस्या देखिएपछि उडान रद्द गरिएको हो ।

जहाजमा समस्या देखिएपछि ट्याक्सी वे रोकेर यात्रुहरुलाई ओरालिएको थियो । यो जहालले गर्दा अन्य जहाजलाई पनि केही समय उडानमा समस्या परेको त्रिभुवन अन्तर्राष्ट्रिय विमानस्थल कार्यालयले जानकारी दिएको छ ।

बुध्द एयरको नाइन एन–एआईटी जहाज काठमाडौंबाट भरतपुर उड्ने क्रममा प्राविधिक समस्या देखिएपछि जहाज रोकेर यात्रु ओराल्नु परेको विमानस्थल कार्यालयले जानकारी दिएको छ ।
बुध्द एयरको ९ एन–एआईटी जहाजमा समस्या देखिएको हो । सो जहाज बिग्रिएपछि केही समय अन्य आन्तरिक उडान समेत केही ढिलो भएको थियो ।