पेस्तोलसहित दुई भारतीय नागरिक पक्राउ

सिरहा । सिरहाको लहान–ठाडी सडकखण्डअन्तर्गत सखुवानन्कारकट्टी गाउँपालिका–५ महेशबारी चोकबाट प्रहरीले पेस्तोलसहित दुई भारतीय नागरिकलाई पक्राउ गरेको छ ।

जिल्ला प्रहरी कार्यालयका प्रहरी प्रमुख रमेश पण्डितका अनुसार बिहीबार साँझ इलाका प्रहरी कार्यालय महेशबारीले ठाडीबाट लहानतर्फ जाँदै गरेको यात्रुवाहक बसमा जाँच गर्दा भारतको मधुवनी जिल्ला पिपराही ग्राम पञ्चायत झझरीका सुदेश्वर पासवानका छोरा १८ वर्षीय नीरजकुमार पासवान र सोही ग्राम पञ्चायतअन्तर्गत बलानशेर टोलका श्रीप्रसाद साहका छोरा ३७ वर्षीय अरुण साह एक थान पेस्तोलसहित पक्राउ परेका हुन् ।

भारतसँग सीमा जोडिएका बस्तीहरमा यसअघि पनि भारतीय नागरिकहरुलाई हातहतियार तथा अवैध सामग्रीसहित प्रहरीले पक्राउ गरिसकेको छ । सीमा क्षेत्रमा सुरक्षा संवेदनशीलतालाई लक्षित गर्दै सुरक्षा व्यवस्था कडा बनाइएको छ ।