भारतले क्यानडाका नागरिकलाई फेरि भिसा दिन थाल्यो

एजेन्सी । भारत सरकराले बुधबारबाट क्यानडाका नागरिकलाई पुनः भिसा दिन सुरु गरेको छ ।

भारतमा आउने क्यानडाका पर्यटक तथा व्यापारिक यात्रीहरुलाई दुई महिनादेखि रोकिएको ई–भिसालाई भारत सरकारले पुनः सुरु गरेको हो ।

भारत सरकारले दुई महिनाअघि क्यानडाको ओट्टावामा भएको एक क्यानडियन सिख नागरिक हरदिप सिंह निज्जरको हत्यामा आफ्नो भूमिका भएको आरोप लागेपछि क्यानडियनहरुलाई भिसा दिन बन्द गरेको थियो ।

तर, भारत र क्यानडाबीचको भिसा पुनः सुचारु भएतापनि दुई देशबीचको सम्बन्ध तत्कालै नसुध्रिने देखिएको रोयटर्सले जनाएको छ ।