थप ५० लाख कोभिसिल्ड खोप खरिद गर्ने अवस्था छैनः स्वास्थ्यमन्त्रालय

क्लिकमान्डु २०७८ वैशाख २४ गते १६:१३ मा प्रकाशित

काठमाडौं । कोभिड १९ विरुद्धको खोप निर्माण गरिरहेको भारतीय कम्पनी सेरम ईन्सटिच्युट ईन्डियाले नेपाललाई थप खोप उपलब्ध गराउन नसक्ने जनाएको छ ।

स्वास्थ्य तथा जनसंख्या मन्त्रालयले शुक्रबार एक सूचना जारी गर्दै भारतीय कम्पनीले कोभिड खोप उपलब्ध गराउन नसक्ने बताएको जनाएको छ ।

सेरमसँग नेपालले कोभिशिल्ड खोप २० लाख डोज ४ डलरमा खरिद गर्न गरेको सम्झौता गरेको थियो । त्यसमध्ये १० लाख डाेज प्राप्त गरिसकिएको छ। बाँकी १० लाख डोज खोप भने नेपालले तत्काल नपाउने देखिएको छ ।

‘वर्तमान विश्व परिस्थिति र भारतको अवस्थाले सेरम ईन्सटिच्युट ईन्डियाले नेपाललाई खोप आपूर्ति गर्नु आफ्नो प्राथमिकता रहेको तर सो कम्पनीमा भएको आगलागी र क्षमता विस्तारमा अवरोध भएकोले क्षमता विस्तार हुने बित्तिकै आपूर्ति गर्ने जानकारी दिएको छ,’ मन्त्रालयले जारी गरेको सूचनामा भनिएको छ ।

‘थप ५० लाख मात्रा कोभिसिल्ड खोप खरिद गर्ने अवस्था हाललाई रहेको छैन ।’

सरकारले अन्य कम्पनीका खोप प्राप्त गर्न कुटनैतिक तथा अन्य माध्यमबाट प्रयास गरिरहेको पनि मन्त्रालयले जनाएको छ।

ट्वीटरमा हामीलाई फलो गर्नुहोस्

तपाईको प्रतिक्रिया

हाम्रो सिफारिस

सम्बन्धित
टिप्स