जीबन बीमा कम्पनीको नाफा २१ प्रतिशतले बढ्यो, कुनले कति कमाए ? (सूचिसहित)
काठमाडौं । बजार विस्तारको क्रममा रहेका बीमा कम्पनीहरुले नाफा पनि बढाउँदै लगेका छन् ।
चालु आर्थिक वर्षको तेस्रो त्रैमाससम्ममा आईपुग्दा नेपाल स्टक एक्सचेन्ज (नेप्से)मा सुचिकृत ७ वटा जीवन बीमा कम्पनीको नाफा २१ प्रतिशतले बढेको छ ।
०७५ चैत मसान्तको वित्तीय विवरण अनुसार सबैभन्दा बढी नाफा आर्जन जीवन बीमा कम्पनीमा एसियन लाइफ इन्स्योरेन्सले रहेको छ । एसियनले चालु आवको तेस्रो त्रैमाससम्ममा ६३.५४ प्रतिशतले नाफा बढाएको छ ।
गत आवको सोहि अवधिमा ३ करोड ३२ लाख ६८ हजार नाफा कमाएको इन्स्योरेन्सले चालु आवको तेस्रो त्रैमासमा आईपुग्दा ५ करोड ४४ लाख ९ हजार रुपैयाँ नाफा आर्जन गरेको थियो ।
नेपाल लाइफपछि बढी नाफा आर्जन गर्ने इन्स्योरेन्समा गुराँस लाइफ इन्स्योरेन्स रहेको छ । गुरासँको नाफा ४१.०३ प्रतिशतले बढेको छ ।
यस्तै नाफा रकमको आधारमा हेर्दा सबै भन्दा बढी नाफा आर्जन गर्ने इन्स्योरेन्स कम्पनीमा नेपाल लाइफ इन्स्योरेन्सको रहेको छ ।
नेपाल लाइफको नाफा ४६ करोड ७२ लाख २४ हजार रुपैयाँ रहेको छ । गत आवको भन्दा नेपाल लाइफको नाफा ७.२१ प्रतिशतले बढेको छ ।
नाफाको वृद्धदरका हिसाब सूर्या लाइफको वृद्धिदर पनि निकै राम्रो छ । यो अवधिमा सूर्याले ४० प्रतिशतले नाफा बढाएको छ ।
| Insurance Company | Profit 2075-076 (000) | Profit 2074-75 (000) | % |
| Asian Life Insurance | 54,409 | 33,268 | 63.54 |
| Gurans Life Insurance | 56,588 | 40,124 | 41.03 |
| Lic | 107,171 | 99,807 | 7.37 |
| National Life Insurance | 306,019 | 222,052 | 37.81 |
| Nepal Life Insurance | 467,224 | 435,786 | 7.21 |
| Prime Life Insurance | 163,681 | 143,158 | 14.33 |
| Surya Life Insurance | 137,142 | 97,754 | 40.29 |
| 1,292,234 | 1,071,949 | 21 |
पुष्प दुलाल
