जावलाखेल फुटबल मैदानमा कन्सर्ट गर्न नपाईने

काठमाण्डौ । ललितपुर महानगरपालिकाले जावलाखेल फुटबल मैदानमा खेलकुद बाहेक अन्य गतिविधि गर्न रोक लगाएको छ ।

महानगरले एक सूचना जारी गर्दै जावलाखेल फुटबल मैदानमा गरिने अन्य गतिविधिले ध्वनी प्रदुषण बढेको हुँदा मैदानमा गरिने अन्य कार्यक्रम र गतिविधिमा रोक लगाएको हो ।

जावलाखेल मैदनामा फुटबल बाहेक सांगितिक कार्यक्रम तथा अन्य कार्यक्रमपनि गरिदै आएको थियो । महानगरले मैदानमा गरिने कार्यक्रमबाट आउने ठूलो आवाजले नजिकै रहेको सदर चिडियाखानाका जनावरलाई असर परेको भन्दै मैदानमा सांगीतिक कार्यक्रम गर्न रोक लगाएको हो ।

महानगरको आदेश विपरित मैदानमा कुनै पनि सांगीतिक कार्यक्रम तथा अन्य मनोरञ्जनात्मक गतिविधि गरेमा कडा कार्वाही गर्ने समेत बताएको छ ।