५ वर्षमा प्राधिकरणका सहायक कम्पनीले १००० मेगावाट बिजुली उत्पादन गर्ने कुलमानको घोषणा
काठमाडौं । आगामी ५ वर्षभित्र नेपाल विद्युत् प्राधिकरणका सहायक कम्पनी मार्फत १ हजार १ सय २८ मेगावाट क्षमताका १३ आयोजना निर्माण सम्पन्न हुने लक्ष्य राखिएको छ ।
प्राधिकरणले ऊर्जामा आत्मनिर्भर बनाउने योजनासहित सो परिमाणको विद्युत् उत्पादन गर्ने लक्ष्य राखेको हो ।
ती आयोजनाबाट ५ हजार ३८२ गिगावाट घन्टा ऊर्जा उत्पादन हुनेछ ।
प्राधिकरणको प्रक्षेपणअनुसार आगामी आवको मंसिर मसान्तस्म्म ४५६ मेगावाट क्षमताको माथिल्लो तामाकोशी जलविद्युत् आयोजना निर्माण सम्पन्न हुनेछ । यस्तै आगामी आवमा नै माथिल्लो साञ्जेन जलविद्युत् आयोजनाको निर्माण सम्पन्न हुनेछ ।
तर सो आयोजनाबाट उत्पादित विद्युत् राष्ट्रिय प्रसारण लाइनमा जोडन समस्या हुने भएको छ । चिलिमे हवदेखि त्रिशुली थ्री बीसम्मको प्रसारण लाइनको काम हालसम्म सुरु हुन सकेको छैन । सो आयोजना १४.८ मेगावाट क्षमताको हो ।
यस्तै आर्थिक वर्ष २०७६÷७७ मा १११ मेगावाट क्षमताको रसुवागढी र ४२.५ मेगावाट क्षमताको साञ्ञ्जेन जलविद्युत् आयोजनाको निर्माण सम्पन्न हुनेछ ।
यस्तै आर्थिक वर्ष २०७७ृज्ञेर७८ मा थप २ आयोजना निर्मााण सम्पन्न हुने छन् । त्यसमा मध्य भोटेकोशी १०२ मेगावाट र माथिल्लो त्रिशुली थ्री बी आयोजना रहेका छन् । माथिल्लो त्रिशुली थ्री बीको क्षमता ३७ मेगावाट रहेको छ ।
यस्तै आर्थिक वर्ष २०७०/८० मा विभिन्न ६ वटा आयोजना सम्पन्न् हुने छन् । त्यसमा ४० मेगावाट क्षमताको राहुघाट, १४० मेगावाट क्षमताको तनहुँ सेती, १०० मेगावाटको तामाकोशी पाँचौ, ४२ मेगावाटको माथिल्लो मोदी-ए, १८ मेगावाटको माथिल्लो मोदी र २५ मेगावाटको रोल्वालिङ डाइभर्सन आयोजना सम्पन्न हुने छन् ।
सरकारले आगामी ५ वर्ष भित्र ५ हजार मेगावाट क्षमताका आयोजना निर्माण सम्पन्न गर्ने घोषणा गरेको सन्दर्भमा प्राधिकरणका सहायक कम्पनीले मात्रै १ हजार मेगावाट बढी क्षमताका आयोजना निर्माण सम्पन्न गर्ने लक्ष्य राखेको हो ।
सो अवधिमा निजी क्षेत्रका प्रवद्र्धकले पनि करिब ३ हजार मेगावाट क्षमताका आयोजना निर्माण सम्पन्न गर्ने लक्ष्य राखेका छन् । सरकार र निजी क्षेत्रको साझा प्रयासबाट मात्रै मुलुकको ऊर्जामा आत्मनिर्भर बनाउन सकिने भन्दै सरकारले आवश्यक सहजीकरण, तथा मार्गदर्शन गर्ने भएको छ ।
यस्तै नेपालको पानी जनताको लगानी भन्ने नारालाई व्यवहारिक रुपमा नै अगाडि बढाई प्रसारण लाइन निर्माणमा देखिएको समसया समेत हल गर्ने प्रयास गरिएको छ ।
| CODs and Expected CODs of NEA’s Subsidiary Companies’ Hydropower Projects | ||||||
| S.N. | Plant | Capacity MW | Capacity by FY MW | Energy GWh | Energy by FY Gwhr | COD/ECOD (FY) |
| 2 | Upper Tamakoshi HPP | 456.00 | 470.80 | 2281.26 | 2363.69 | 2075/76 |
| 3 | Upper Sanjen | 14.80 | 82.44 | |||
| 4 | RasuwaGadi | 111.00 | 153.50 | 613.88 | 855.74 | 2076/77 |
| 5 | Sanjen | 42.50 | 241.87 | |||
| 6 | Middle Bhotekoshi | 102.00 | 139.00 | 542.30 | 834.89 | 2077/78 |
| 7 | Upper Trishuli 3B | 37.00 | 292.59 | |||
| 8 | Rahughat | 40 | 365 | 264.00 | 1578.66 | 2079/80 |
| 9 | Tanahu | 140 | 502.58 | |||
| 10 | Tamakoshi V | 100 | 240 | |||
| 11 | Upper Modi A | 42 | 214.87 | |||
| 12 | Upper Modi HEP | 18 | 107.21 | |||
| 13 | Rolwaling Diversion | 25 | 250 | |||
| Total | 1128.50 | 5382.98 | ||||
पुष्प दुलाल
