बागमतीका मुख्यमन्त्री बानियाँको घर र कार्यालयमा सम्पत्ति शुद्धीकरणको छापा

काठमाडौं । सम्पत्ति शुद्धीकरण अनुसन्धान विभागले बागमती प्रदेशका मुख्यमन्त्री इन्द्रबहादुर बानियाँको निवास तथा कार्यालयहरूमा छापा मारेको छ ।

विभागको टोलीले आज काठमाडौं र हेटौंडामा रहेको उनको कार्यालय बानियाँ निर्माण सेवामा छापा मारेको हो ।

काठमाडौंको नक्साल र सुन्धारास्थित बानियाँका कार्यालयहरूका साथै हेटौंडास्थित उनको निजी निवास र कार्यालयमा विभागले खानतलासी गरेको छ ।

बानियाँ नेपाली कांग्रेस बागमती प्रदेशका सभापति तथा संसदीय दलका नेता समेत हुन् ।

बानियाँको निर्माण व्यवसायसहित विभिन्न क्षेत्रमा लगानी रहेको छ ।