एजेन्सी । अमेरिकामा बुधबार राति अमेरिकन एयरलाइन्सको एउटा विमान आकाशमै ब्ल्याक हक हेलिकप्टरसँग ठोक्किएपछि ठूलो दुर्घटनामा पर्यो
यस दुर्घटनामा विमानमा सवार सबै ६४ जनाको ज्यान गएको छ। हेलिकप्टरसँग ठोक्किएपछि विमान पोटोम्याक नदीमा खस्यो।
नदीमा शव खोज्न उद्धार टोली परिचालित गरिएको थियो । तर हाल जोखिमपूर्ण परिस्थितिका कारण खोजी अभियान रोकिएको अन्तर्राष्ट्रिय सञ्चारमाध्यमहरुले जनाएका छन् ।
अमेरिकी सञ्चारमाध्यम सीबीएस न्यूजका अनुसार गोताखोरहरू सुरक्षित रूपमा पुग्न सक्ने स्थानहरूमा खोजी गरिसकेका छन्
अमेरिकी कोस्ट गार्ड विमानको भग्नावशेष हटाउन सहयोग गर्न तयारी अवस्थामा छ । जसले गोताखोरहरूलाई थप शव खोज्न सहज बनाउने विश्वास गरिएको छ ।
नदीमा विमानको भग्नावशेष हटाएपछि र स्थिति सुरक्षित भएपछि खोजी अभियान पुनः सुरु गरिने जनाइएको छ ।
प्रतिक्रिया