आज पनि बढ्यो सुनको मूल्य, कति पुग्यो ?

काठमाडौं । नेपाली बजारमा बुधबार (आज)पनि सुन चाँदीको मूल्य वृद्धि भएको छ ।

बुधबार सुनको मूल्य प्रतितोला १ हजार ९ सय रूपैयाँ वृद्धि भएको हो । यसअघि मंगलबार पनि सुनको मूल्य प्रतितोला १ हजार १ सय रूपैयाँ बढेको थियो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ६० हजार रूपैयाँमा कारोबार भइरहेको छ । मंगलबार सुन प्रतितोला १ लाख ५८ हजार एक सय रूपैयाँमा कारोबार भएको थियो ।

बुधबार चाँदीको मूल्य पनि बढेको छ। यस दिन चाँदीको मूल्य प्रतितोला एक हजार आठ सय ९५ रूपैयाँमा कारोबार भइरहेको छ । मंगलबार चाँदी प्रतितोला १ हजार ८ सय ७५ रूपैयाँमा कारोबार भएको थियो ।