रवि लामिछाने अदालतमा उपस्थित

काठमाडौं । पोखराको सूर्यदर्शन सहकारीको बचत रकम अपचलन मुद्दामा कास्कीबाट धरौटीमा रिहा भएका राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछाने आज काठमाडौं जिल्ला अदालतमा उपस्थित भएका छन्।

लामिछानेविरुद्ध काठमाडौंमा पनि सहकारीसम्बन्धी अर्को मुद्दा दायर भएकाले उनी अदालतमा उपस्थित हुन आएका हुन्।

जिल्ला अदालत कास्कीका न्यायाधीश नितिज कुमार राईको आदेशमा लामिछानेले ६५ लाख धरौटी बुझाएर प्रहरी हिरासतबाट रिहा भएका थिए। उनलाई काठमाडौं जिल्ला अदालतमा आफैं उपस्थित हुने लिखित प्रतिबद्धता गराई परिवारको जिम्मा लगाइएको थियो।