क्रिसमसको पूर्वसन्ध्यामा यस्ता देखिए काठमाडौंका सपिङ मल र ग्राहक (तस्बिरहरू)

काठमाडौं । इसाई धर्मावलम्बीको महान् चाडको रूपमा मनाइने क्रिसमसको पूर्वसन्ध्यामा काठमाडौँका सपिङ मलहरूमा विभिन्न कार्यक्रम आयोजना गरिएको छ ।

हरेक वर्ष २५ डिसेम्बरमा येशु ख्रिस्टको जन्मदिनको खुसीयाली मनाउने परम्परा अनुसार क्रिश्चियन धर्मावलम्बीले क्रिसमस मनाउने गर्दछन् ।

येशुले मानव समुदायका लागि पुर्‍याएको योगदानको सम्झनामा इस्वी संवत् चलाइएको विश्वास गरिन्छ ।

सोही अवसरमा काठमाडौं उपत्यकाका प्रमुख मलले आफ्नो प्रवेशद्वारमा क्रिसमस ट्रि बनाउनुका साथै सान्टा क्लज र रेन डियरको प्रतिमाहरू बनाएर राखेका छन् । मानिसहरू यस्ता आकृति र बनाइएका क्रिसमस ट्री अगाडी फोटो खिचेर रमाउने गर्दछन् ।

तस्बिर : क्लिकमान्डु/ नेपाल फोटो लाइब्रेरी ।