प्रधानमन्त्री ओलीले दिए फाइनल खेल खेल्ने टोलीलाई जितको शुभकामना

काठमाडौं । प्रधानमन्त्री केपी शर्मा ओलीले नेपाल प्रिमियर लिग (एनपीएल) क्रिकेटको फाइनलमा प्रतिस्पर्धा गर्ने टोलीलाई जितको लागि शुभकामना दिएका छन् । शनिबार एनपीएलको फाइनल खेलमा सुदूरपश्चिम रोयल्स र जनकपुर बोल्ट्सले प्रतिस्पर्धा गर्दैछन् । खेल अपरान्ह १२:१५ मा सुरु हुनेछ ।

‘मलाई एनपीएलको फाइनल खेल मैदानमा नै गएर हेर्न मन थियो । तर, मलाई महिनौ अघि तय भएको कार्यक्रमका लागि म इटहरी जाँदैछु । आजको रोमाञ्चक खेलमा दुबै टोलीलाई जितको शुभकामना,’ ओलीले शुभकामना भिडियो सन्देशमा भनेका छन् ।

ओलीले एनपीएल ट्रफी अनावरण गरेका थिए । उक्त समयमा सबै कप्तानसँग भेट घाट गरेको आफूलाई अझै झलझली याद आइरहेको बताएका छन् ।