एनपीएल उपाधीको लागि आज सुदूरपश्चिम रोयल्स र जनकपुर बोल्ट्स भिड्दै

काठमाडौं । नेपाल क्रिकेट संघ(क्यान) ले आयोजना गरेको फ्रेन्चाइज प्रतियोगिता नेपाल प्रिमियम लिग(एनपीएल) को अन्तिम अर्थात फाइनल खेल शनिबार र्कीर्तिपुरको अन्तराष्ट्रिय मैदानमा हुँदैछ ।

एनपीएलको उपाधी प्राप्त गर्न शनिबार सुदूरपश्चिम रोयल्स र जनकपुर बोल्ट्स भिड्दैछन् । यो खेल दिउँसो १२.२५ बजेबाट सुरु हुँदैछ ।

सुदूरपश्चिम रोयल्स प्रतियोगिताको पहिलो क्वालिफायर खेलमा जनकपुर बोल्ट्सलाई ८ विकेटले हराउँदै फाइनलमा पुगेको हो । जनकपुर बोल्ट्स भने दोश्रो क्वालिफायर खेलमा कर्णाली याक्सलाई दुई विकेटले हराउँदै फाइनलमा प्रवेश गरेको हो ।