बैंकर्स संघद्वारा दुई पूर्वबैंकर सम्मानित

काठमाडौं । नेपाल बैंकर्स संघले दुई पूर्वबैंकरलाई सम्मानित गरेको छ ।

बिहीबार काठमाडौंमा आयोजित बैंकर्स संघको साधारणसभामा बैंकिङ क्षेत्रमा तथा बैंकर्स संघमा योगदानको कदर गर्दै किरण कुमार श्रेष्ठ र रत्नराज बज्राचार्य सम्मानित भएका हुन् ।

किरण कुमार श्रेष्ठ राष्ट्रिय वाणिज्य बैंकका पूर्व सीईओ हुन् भने रत्नराज ग्लोबल आईएमई, सनराइज लगायत बैंकमा नेतृत्वदायी भूमिका खेलिसकेका छन् ।

रत्नराज हाल नेपाल उद्योग वाणिज्य महासंघले स्थापना गरेको १० अर्बको कम्पनीको सीईओ नियुक्त भएका छन् ।