चितवनलाई क्वालिफायर पुग्न कर्णालीले दियो १७६ रनको लक्ष्य, कोल्सावाला र विलियमको अर्धशतक

काठमाडौं । चितवन राइनोजलाई क्वालिफायरमा पुग्न नेपाल प्रिमियर लिग (एनपीएल) को इलिमिनेटर खेलमा कर्णाली याक्सले १७६ रनको लक्ष्य दिएको छ ।

त्रिवि क्रिकेट मैदानमा टस हारेर पहिले ब्याटिङ गरेको कर्णालीले निर्धारित २० ओभरमा ६ विकेट गुमाउँदै १७५ रन बनायो ।

कर्णालीका लागि जयकिशन कोल्सावाला र विलियम बोसिस्टोले अर्धशतक बनाए । बल ४९ बल खेलेका कोल्सावालाले ६ चौका २ छक्काको सहयोगमा ५३ रन बनाए ।

त्यस्तै ३९ बल खेलेका विलियमले ३ चौका र २ छक्काको सहयोगमा ५२ रन बनाए । कर्णालीका चाड्विक वाल्टनले ४६ रन जोडे।

चितवनका लागि सोहिल तनविरले २ विकेट लिए । त्यस्तै शरद भेषवाकर, कुशल मल्ल र रवी बोपराले १–१ विकेट लिए ।
आजको खेलमा जित निकाल्ने टोलीले क्वालिफायरमा स्थान बनाउनेछ ।