अशोक शेरचनले उम्मेदवारी फिर्ता लिए, बैंकर्स संघको अध्यक्षमा कोइराला सर्वसम्मत

काठमाडौं । नेपाल बैंकर्स संघ (एनबीए) को अध्यक्षमा सन्तोष कोइराला निर्विरोध चयन भएका छन् ।

मंगलबार अध्यक्षका अर्को प्रत्यासी अशोक शेरचनले उम्मेदवारी फिर्ता लिए पछि माछापुच्छ्रे बैंकका प्रमुख कार्यकारी अधिकृत (सीईओ) कोइराला निर्विरोध अध्यक्ष बनेका हुन् ।

सोमबार पूर्व अध्यक्षहरुबीच सहमती बनेपछि शेरचनले उम्मेदवारी फिर्ता लिन तयार भएका थिए । मनोनयन फिर्ता लिने अन्तिम दिन मंगलबार उनी फिर्ता भएपछि कोइरालाको अध्यक्ष पक्का भएको हो ।

यता संघको उपाध्यक्षमा ग्लोबल आईएमई बैंकका प्रमुख कार्यकारी अधिकृत सुरेन्द्र रेग्मी चयन भएका छन् ।