काठमाडौं । नेपाल इन्फ्रास्ट्रक्चर बैंक लिमिटेड (निफ्रा) को सञ्चालक समितिको अध्यक्षमा सुरेन्द्रराज रेग्मी नियुक्त भएका छन् ।
बैंकको बुधबार बिहान बसेको १८५औँ सञ्चालक समितिको बैठकले रेग्मीलाई अध्यक्ष पदमा नियुक्त गर्ने निर्णय गरेको हो ।
रेग्मीले सञ्चालक समितिमा ग्लोबल आइएमई बैंकको प्रतिनिधित्व गर्छन् । उनी ग्लोबल आइएमई बैंकको प्रमुख कार्यकारी अधिकृत हुन् ।
यसअघि बैंकको संस्थापक समूह विशाल ग्रुपको प्रतिनिधित्व गर्दै सञ्चालक समितिमा सदस्य तथा अध्यक्षको भूमिकामा रहेका अनुज अग्रवालले पदबाट राजीनामा दिएका थिए ।
सोही बैठकले अग्रवालको राजीनामा स्वीकृत गर्दै विशाल ग्रुपकै तर्फबाट दीपक कुमार अग्रवाललाई नयाँ सञ्चालक सदस्यका रूपमा नियुक्त गरेको छ ।
नवनियुक्त सञ्चालक दीपक कुमार अग्रवालको कार्यकाल आजदेखि नै लागू हुने बैंकले जनाएको छ ।
प्रतिक्रिया