मोरङको ग्रामथान कांग्रेसबाट माओवादीले खोस्यो, माझी विजयी

विराटनगर । मोरङको ग्रामथान गाउँपालिकाको प्रमुखका लागि आइतवार भएको उपनिर्वाचनमा माओवादी केन्द्रका नमोनारायण माझी निर्वाचित भएका छन् ।

उनले कांग्रेसका वलराम सरदार थारुलाई १ हजार ६३६ मतान्तरले पराजित गर्दै बाँकी कार्यकालकालागि अध्यक्षमा निर्वाचित भएका हुन् ।

माझीले ६ हजार ९६९ मत ल्याउदा कांग्रेसका थारुले ५ हजार ३३३ मत ल्याए । एमालेका तुलसीराम विश्वासले ४ हजार १५९ मत ल्याए । २६ हजार ४४ मतदाता रहेको यहाँ आइतवार १८ हजार ५७७ मत खसेको थियो ।

२०७९ को निर्वाचनमा कांग्रेसका जयप्रकाश गच्छदार निर्वाचित भएका थिए । त्यसवेला गच्छदारले ७ हजार ६०५ मत ल्याउदा एमालेका शिवनारायण माझीले ६ हजार ९३ र माओवादीका विजयकुमार सरदारले २ हजार ७२७ मत ल्याएका थिए ।

गच्छदारको निधन भएपछि आइतवार उपनिर्वाचन भएको हो । विजयी माझी कांग्रेसवाट एमाले र एमालेवााट माओवादी केन्द्रमा छिरेका स्थानीय राजनितिज्ञ हुन ।