पोखरामा बस दुर्घटना, रूखमा अड्किँदा ठूलो क्षति हुन पाएन

कास्की । कास्कीको पोखरा महानगरपालिका–२२ शान्ति स्तुपा नजिकै भएको बस दुर्घटनामा परेको छ । दुर्घटनामा दुईजना घाइते भएका छन् ।

बिहीबार दिउँसो साढे १२ बजे पुम्दीकोटबाट छोरेपाटनतर्फ आउँदै गरेको नवयुग डान्स क्लब दाङको भ्रमण टोली बोकेको रा १ ख २१०६ नं.को मिनी बस बस दुर्घटनामा परेको हो । बस सडक छेउमा रहेको रूखमा अड्किएको थियो।

दुर्घटनामा घाइते दुई जनालाई उपचारको लागि नमस्ते अस्पताल बिरौटा ल्याइएको छ ।

दाङको तुलसीपुर उपमहानगरपालिका–४ की १७ वर्षिया सन्ध्या रसाइली र १९ वर्षिया मनीषा रसाइली घाइते भएका र उनीहरूको अवस्था सामान्य रहेको अस्पतालले बताएको छ।

सडक छेउमा ओरालोतर्फ जोतिएको बसलाई क्रेनको सहायताले निकाल्ने प्रयास भइरहेको प्रहरीले जनाएको छ ।