अमेरिकाको ४७ औं राष्ट्रपतिमा डोनाल्ड ट्रम्प विजयी

काठमाडौं । अमेरिकी राष्ट्रपति चुनावमा डोनाल्ड ट्रम्पले बहुमत हासिल गरेका छन् । ट्रम्पले २७९ इलेक्टोरल भोट हासिल गरेका छन् । यससँगै उनी अमेरिकाको ४७ औं राष्ट्रपति बनेका छन् । ४ वर्षपछि ट्रम्प ह्वाइट हाउस फर्किने भएका हुन् ।

उनका निकटतम प्रतिद्वन्द्वी कमला ह्यारिसले २१९ इलेक्टोरल भोट जितेकी छन् ।

ट्रम्पले अमेरिकाका सात मध्ये ४ स्विङ स्टेट्समा जीत हात पारे । जसमा जर्जिया, नर्थ क्यारोलाइना, विस्कन्सिन र पेन्सिलवेनिया रहेका छन् ।

अमेरिकामा कुल ५३८ इलेक्टोरल कलेज भोट हुन्छन् र बहुमतका लागि २७० भोट आवश्यक पर्छ ।

जर्जिया र नर्थ क्यारोलाइनमा १६-१६ इलेक्टोरल भोट छन् । जबकी पेन्सिलवेनियामा सबैभन्दा धेरै १८ इलेक्टोरल भोट रहेका छन् ।