६ खर्ब बढीका १५७ जलविद्युत् आयोजना निर्माणको अन्तिम चरणमा (सूचीसहित)

काठमाडौं । आगामी दुई वर्षभित्र सक्ने गरी निर्माणका क्रममा रहेका १५७ जलविद्युत् आयोजनामा ६ खर्ब बढी लगानी भएको छ ।

नेपाल विद्युत् प्राधिकरणका अनुसार ती आयोजनामा सरकारी स्वामित्वका आयोजना र निजी क्षेत्रका आयोजना समेत रहेका छन् ।

सरकारी स्वामित्वमा माथिल्लो तामाकोशी जलविद्युत् आयोजना नै सबैभन्दा ठूलो आयोजना हो । सो आयोजनामा हालसम्म ४३ अर्ब लगानी भइसकेको छ । केही लगानी अझै थप हुने बताइएको छ ।

सरकारले निजी क्षेत्रलाई छिटो भन्दा छिटो आयोजना निर्माण सम्पन्न गर्न सहजीकरण गरेपछि जलविद्युत् परियोजना निर्माणले गति लिएकमो हो ।

प्राधिकरणकाअनुासर ती सबै आयोजनासँग विद्युत् खरिद सम्झौता(पिपिए) समेत भइसकेको छ । ती आयोजनाबाट ३ हजार मेगावाट विद्युत् उत्पादन हुनेछ ।

ती आयोजना सम्पन्न भएपछि नेपालको कुल जडित क्षमता समेत ४ हजार २०० मेगावाटको हाराहारीमा पुग्नेछ ।

प्राधिकरणका प्रवक्ता प्रबल अधिकारीले पिपिए भएका अधिकाशं आयोजना निर्माणमा रहेको र आगामी दुई वर्षभित्र मात्रै निर्माण सम्पन्न हुने आयोजनालाई थोरै सहजीकरण गर्ने हो भने भारतबाट आयात हुने विद्युत्को मात्रा घटाउन सकिन्छ ।

आगामी असारमा नै निमाृण सम्पन्न हुने ४ सय ५६ मेगावाटको माथिल्लो तामाकोसी ती मध्ये सबैभन्दा ठूलो आयोजना हो ।

यस्तै निजी क्षेत्रको दोलाखामा निर्माणाधीन ४० मेगावाटको खानीखोला-१ पनि अन्तिम चरणमा पुगेको छ । सिक्सेस, थापाखोला, मिदिमलगायत केही आयोजनाले उत्पादन सुरु गर्न लागेको छ ।

निजी क्षेत्र र सरकारी स्वामित्वका आयोजनाको कुल उत्पादन समेत समान हैसियतमा पुग्न लागेको तथ्यांकबाट देखिने प्राधिकरणले जनाएको छ ।