मनपरी गर्ने पाँच व्यापारीलाई ६० हजार जरिवाना

काठमाडौं । वाणिज्य, आपूर्ति तथा उपभोक्ता संरक्षण विभागले खरिद बिलविजक नराखेको अभियोगमा पाँच व्यापारिक प्रतिष्ठानलाई ६० हजार रुपैयाँ जरिवाना गराएको छ ।

विभागको अनुगमन टोलीले टोखाका दुई, भक्तपुरका दुई र काठमाडौंका एक व्यापारीलाई ५ हजार रुपैयाँदेखि २० हजार रुपैयाँसम्म जरिवाना गरेको हो ।

विभागले मंगलबार १२ वटा व्यापारिक प्रतिष्ठानमा अनुगमन गरेको थियो, जसमध्ये मनपरी गर्ने ५ वटा प्रतिष्ठानलाई जरिवाना तिराएको हो ।