म:ममा साङ्ला भेटिएपछि लाजिम्पाटको फो ९९ मा महानगरले लगायो ताला

काठमाडौं । काठमाडौं महानगरपालिकाले लाजिम्पाटमा रहेको फो ९९ रेष्टुरेन्टमा ताला लगाएको छ । काठमाडौं महानगरपालिका-३ लाजिम्पाटमा रहेको उक्त रेस्टुरेन्टमा ग्राहकको खाजा म:ममा साङ्ला भेटिएको थियो ।

म:ममा साङ्ला भेटिएसँगै उपभोक्ताले महानगरमा गुनासो गरेका थिए । त्यसपछि महानगरको टोलीले रेष्टुरेन्टमा पुगेर अनुगमन गरेको थियो ।

अनुगमन गर्दा त्यहाँ खान नमिल्ने अखाद्य बस्तुहरु भेटिएकाले महानगरले रेष्टुरन्टमा ताला लगाएको जनाएको छ ।