रनवेमा पुगेको सौर्यको जहाजमा बुध्द एयरलाइन्सका यात्रु फेला परेपछि…

झापा । एउटा एयरलाइन्सको टिकट काटेका व्यक्ति अर्को एयरलाईन्समा चढेपछि उडान भर्न लागेको विमान धावनमार्गबाट फर्किएको छ ।

भद्रपुरस्थित विमानस्थलबाट काठमाडौंका लागि उडान भर्न लागेको सौर्य एयरलाईन्सको विमान रनवेबाट टेकअफ गर्ने तयारी गरिरहँदा यात्रु चढाउने स्थानतर्फ फर्किएको हो । शुक्रबार दिउँसो बुध्द एयरको टिकट काटेका यात्रु ९१२ कल साइनको सौर्य एयरमा चढेपछि यस्तो समस्या आएको हो ।

विमान फर्किएपछि यात्रुलाई बुद्धको अर्को विमानमा चढाएर पठाइएको थियो ।

विमान उड्नु अघि यात्रुविवरण चेक जाँच गर्दा अर्को विमानका यात्रु रहेको पाइएपछि विमान रनवेबाट फिर्ता गरिएको भद्रपुर विमानस्थलले जनाएको छ ।