नबिल बैंकले युनाइटेड फाइनान्सलाई प्राप्ति गर्ने, स्वाप रेसियो ३५ प्रतिशत

काठमाडौं । नबिल बैंकले युनाइटेड फाइनान्सलाई प्राप्ति गर्ने भएको छ । यसका लागि शुक्रबार सम्झौता गरेको छ ।

बैंकले ३५ प्रतिशत स्वाप रेसियोमा फाइनान्सलाई प्राप्ति गर्न लागेको हो ।

नबिल बैंकमा प्रमुख लगानी विनोद चाैधरीको छ भने युनाइटेड फाइनान्समा पनि चाैधरी ग्रुपको ३६ प्रतिशत लगानी छ ।

शुक्रबार यसका लागि नबिल बैंकका तर्फबाट उदय कृष्ण उपाध्याय र युनाइटेड फाइनान्सका तर्फबाट मनिस कुमार खेमकले हस्ताक्षर गरे ।

प्राप्तिपछि नबिल बैंककै नामबाट सञ्चालन हुनेछ भने बोर्ड अफ डाइरेक्टरमा पनि बैंकका हालकै सदस्य रहनेछन् । प्राप्तिपछि बैंकको चुक्तापुँजी १३ अर्ब ८५ करोड पुग्नेछ भने बैंकका शाखा ३७ स्थानमा १४७ वटा पुग्नेछन् । साथै एटीएमको संख्या १९० पुग्नेछ । प्राप्तिपछि बैंकको निक्षेप संलकन २ खर्ब १६ अब पुग्नेछ ।