बुध्द एयरले पोखरादेखि बिराटनगर, सिमरा तथा नेपालगञ्ज र भैरहवा-भरतपुर रुटमा उडान शुरु गर्दै

काठमाडौं । आन्तरिक उडानतर्फ अग्रणी वायुसेवा कम्पनी बुध्द एयरले ४ वटा नयाँ रुटमा अन्तर प्रदेश उडान गर्ने भएको छ ।

बुघ्द एयरले अब पोखरा–बिराटनगर–पोखरा, पोखरा–सिमरा–पोखरा, पोखरा–नेपालगञ्ज–पोखरा रुटमा अब हवाई उडान शुरु गर्नेछ । यीरुटमा पहिलो पटक बुध्द एयरले उडान गर्न लागेको हो । यसअघि चार्टर्ड उडानमार्फत् सिता एयरले पोखरा–नेपालगञ्ज–पोखरा रुटमाउडान गरिसकेको छ । केही महिना अघि नेपालगञ्जका पर्यटन व्यवसायीको अग्रसरतामा उक्त उडान भएको थियो ।

त्यसका साथै बुध्द एयरले पहिलो पटक भैरहवा–भरतपुर–भैरहवा रुटमा पनि उडान गर्ने जानकारी दिएको छ ।

योसँगै बुध्द एयरले विभिन्न ३४ वटा रुटमा दैनिक १२० उडान गर्नेछ । हाल बुध्द एयरले दैनिक १०० वटा उडान गर्दै आएको छ ।