हिमालय एयरलाइन्सले अप्रिल ४ देखि काठमाडौं-ढाका उडान गर्ने

काठमाडौं । हिमालय एयरलाइन्सले अप्रिल ४ देखि काठमाडौं-ढाका-काठमाडौं उडान गर्ने भएको छ । कोरोना महामारीका कारण बन्द भएको काठमाडौं–ढाकाबीचको उडान अब खुल्न थालेको हो ।

एयरलाइन्सका अनुसार काठमाडौं-ढाका उडान दिउँसो १ः४५ बजे उडान हुनेछ भने ढाका-काठमाडौंको उडान साँझ ४ः३० बजे हुनेछ ।

यसका लागि बंगलादेशको भिसा, ७२ घण्टाभित्रको कोरोना नेगेटिभ रिपोर्ट, अस्पतालले प्रमाणित गरी सिलबन्दी गरेको प्रमाणपत्र साथमा हुनुपर्नेछ भने उडान समयभन्दा ३ घण्टा अगावै विमानस्थलमा उपस्थित हुनुपर्नेछ ।