संचारमन्त्री गोकुल बास्कोटाले भ्रम फैलाएको अर्बपति व्यवसायी बिनोद चौधरीको आरोप
क्लिकमान्डु प्रकाशित मिति : २४ माघ २०७६, शुक्रबार १५:१२
1.8k
Shares
काठमाडौं । अर्बपति व्यवसायी बिनोद चौधरीले संचार तथा प्रसारणमन्त्री गोकुल बास्कोटाले सिजी कम्युनिकेशनले २० अर्ब रुपैयाँ तिरेर मात्र टेलिकम कम्पनीको लाइसेन्स पाउने भनेर दिएको अभिव्यक्ति भ्रम भएको बताएका छन् ।
संचारमन्त्री गोकुल बास्कोटाले मन्त्रीपरिषद्को निर्णय सुनाउन आयोजित पत्रकार सम्मेलनमा सिजी २० अर्ब रुपैयाँ नतिरेर जिएसएम टेलिकम सेवा प्रदायक कम्पनीको लाइसेन्स नपाएको बताएका थिए ।
सामाजिक संजाल ट्वीटर मार्फत चौधरी ग्रुपका अध्यक्ष बिनोद चौधरीले संचारमन्त्रीको अभिव्यक्तिप्रति ध्यानाकर्षण भएको तथा २० अर्ब रकम १० वर्षमा फरक किस्तामा चुक्ता गर्ने रकम राज्यले निर्धारण गरेको नवीकरण शुल्क भएको र यसको ज्ञान नभएकोमा दुःख प्रकट गरेका छन् ।
माननीय सञ्चारमन्त्री @GokulPBaskota ज्यूको अभिव्यक्तिप्रति गम्भीर ध्यानाकर्षण भएको छ। २० अर्ब रकम १० वर्षमा फरक किस्तामा चुक्ता गर्न राज्यले निर्धारण गरेको नवीकरण शुल्क हो भन्ने ज्ञान उहाँलाई नहुनु दु:खद छ।
सबै भ्रमउपर सार्वजनिक छलफल गर्न सीजी कम्युनिकेसनका तर्फबाट म उत्सुक छु।
काठमाडौं । अर्बपति व्यवसायी बिनोद चौधरीले संचार तथा प्रसारणमन्त्री गोकुल बास्कोटाले सिजी कम्युनिकेशनले २० अर्ब रुपैयाँ तिरेर मात्र टेलिकम कम्पनीको लाइसेन्स पाउने भनेर दिएको अभिव्यक्ति भ्रम भएको बताएका छन् ।
