काठमाडौं । दशैं तिहार जस्तो चाडपर्वको अघिको समयमा समेत अर्थिक गतिविधि विस्तार हुन नक्दा बैंकहरूले कर्जा बढाउन सकेका छैनन् । जसले गर्दा बैंकहरूमा तरलता बढी भएपछि नेपाल राष्ट्र बैंकले एकैदिन ९० अर्ब रुपैयाँ तरलता प्रशोचन गर्ने भएको छ ।
सुस्त आर्थिक गतिविधिले कर्जा माग नभइरहेको अवस्थामा भदौ २३ र २४ गतेको जेन जी आन्दोलनले आर्थिक तथा भौतिक रुपमा ठूलो क्षति पुगेको छ ।
जसले कर्जामा मागमा झनै सुस्तता देखिने अवस्था आएपछि नेपाल राष्ट्र बैंकले एकैदिन ९० अर्ब रुपैयाँ तरलता प्रशोचन गर्ने भएको हो । बिहीबार निक्षेप संकलन उपकरण बोलकबोलमार्फत केन्द्रीय बैंकले १० दिनको लागि ९० अर्ब रुपैयाँ तरलता प्रशोचन गर्न लागेको हो ।
पछिल्लो २ आर्थिक वर्षमा लगातार अधिक तरलता देखिएपछि केन्द्रीय बैंकले तरलता प्रशोचन गरिहेको छ । निक्षेप संकलन उपकरण बोलकबोलका साथै स्थायी निक्षेप सुविधामार्फत पनि तरलता प्रशोचन भइरहेको छ ।
राष्ट्र बैंकले ब्याजदर करिडोरको तल्लो सीमाको रुपमा रहेको निक्षेप संकलन दरमा स्थायी निक्षेप सुविधा पनि उपलब्ध गराइरहेको छ ।
भदौ ३१ को तथ्यांकअनुसार केन्द्रीय बैंकले प्रशोचन गरेर मौज्दात रहेको तरलता ६ खर्ब ७१ अर्ब ७० करोड रुपैयाँ छ ।चाडपर्वको समयमा पनि आर्थिक गतिविधि चलायमान भएर कर्जाको माग बढ्न नसक्दा अधिक तरलताको चाप झनै बढ्दै जाने अवस्था छ । बिहीबार निक्षेप संकलन बोलकबोलमार्फत थप ९० अर्ब रुपैयाँ तरलता प्रशोचन गर्ने भएको हो ।
प्रतिक्रिया