काठमाडौं । नेपाल राष्ट्र बैंकले बैंकिङ प्रणालीबाट ३० अर्ब रुपैयाँ तरलता प्रशोचन गर्ने भएको छ । निक्षेप संकलन उपकरण बोलकबोल मार्फत २५ दिनको लागि ३० अर्ब रुपैयाँ तरलता प्रशोचन गर्ने भएको हो।
पछिल्लो २ आर्थिक वर्षदेखि बैंकिङ प्रणालीमा अधिक तरलता हुँदा राष्ट्र बैंकले नियमित जस्तो तरलता खिच्दै आएको छ । बुधबार पनि अधिक तरलता भएपछि केन्द्रीय बैंकले बैंकिङ प्रणालीबाट तरलता प्रशेचन गर्ने भएको हो ।
केन्द्रीय बैंकले सातामा ३ पटक बैंकहरुको लागि स्थायी निक्षेप सुविधा पनि उपलब्ध गराउँदै आएको छ । ब्याजदर करिडोरको तल्लो सीमाको रुपमा रहेको निक्षेप संकलन दरमा स्थायि निक्षेप सुविधा रहेको छ । चालु आर्थिक वर्षको मौद्रिक नीतिबाट केनिद्रय बैंकले निक्षेप संक्लन दरलाई ०.२५ प्रतिशत आधार बिन्दुले घटाएर ३.७५ प्रतिशतमा झारेको थियो ।
चालु आर्थिक वर्ष लागेपछि केन्द्रीय बैंकले ४१ खर्ब ५ अर्ब १५ करोड रुपैयाँ बराबर तरलता प्रशोचन गरिसकेको छ ।
बैंकहरुले अधिक तरलता भएर केन्द्रीय बैंकको निक्षेप संकलन बोलकबोल र स्थायी निक्षेप सुधिवामा लगानी गरेको मौज्दात ६ खर्ब ५६ अर्ब रुपैयाँ छ । बुधबार थप ३० अर्ब रुपैयाँ तरलता प्रशोचन गर्ने भएको हो ।
प्रतिक्रिया