दाङ । सांसद मेटमणि चौधरीविरुद्ध चेक अनादरमा जाहेरी परेको छ ।
नेपाल कम्युनिस्ट पार्टी (एकीकृत समाजवादी) का उपमहासचिव एवं प्रमुख सचेतकसमेत रहेका चौधरीविरुद्ध दाङ जिल्ला प्रहरी कार्यालयमा जाहेरी परेको हो । उनी प्रतिनिधिसभा सदस्यको रूपमा दाङ क्षेत्र नं. १ बाट निर्वाचित भएका हुन् ।
जिल्ला प्रहरी कार्यालय दाङले चौधरीविरुद्ध हुलाकमार्फत चेक अनादर सम्बन्धी उजुरी आएको जानकारी दिएको छ ।
चौधरीविरुद्ध ५ करोड ४० लाखको चेक अनादरमा उजुरी परेको हो ।
हुलाकबाट उजुरी आए पनि त्यसको प्रमाणीकरण प्रक्रिया भने बाँकी रहेको प्रहरीले जनाएको छ। अनुसन्धानपछि मात्र मुद्दा दर्ता प्रक्रिया टुंगोमा पुग्ने प्रहरीको भनाइ छ ।
प्रतिक्रिया