इजरायलको तेल अभिभमा रहेको अमेरिकाको दूतावास भवनलाई छुँदै इरानको क्षेप्यास्त्र भवन नजिकै बज्रिँदा सामान्य क्षति पुगेको इजरायलका लागि अमेरिकी राजदूतले बताएका छन् ।
घटनामा कुनै पनि अमेरिकी अधिकारी घाइते नभएको बताइएको छ ।
सुरक्षा परिस्थितिका कारण दूतावास र कन्सुलेट आज दिनभरि बन्द हुने जानकारी पनि राजदूतले दिए ।
इजरायल र इरानबीच द्वन्द्व चलिरहँदा इरानले अनेकौं क्षेप्यास्त्र तेल अभिभका विभिन्न स्थानमा प्रहार गरिरहेको छ । तेल अभिभ र जेरुसेलममा विस्फोटका ठूला आवाजहरू सुनिएका छन् ।
तेल अभिभमा घना आबादी भएका क्षेत्रका विभिन्न आवासीय भवनहरू इरानी आक्रमणमा ध्वस्त भएका छन् । अमेरिकी दूतावास नजिकैका होटल र घरका झ्यालको शीशा फुटेका छन् ।
इरानलाई आणविक हतियार बनाउनबाट रोक्नका लागि इजरायलले आक्रमण थालेको जनाएको छ ।
प्रतिक्रिया