एमजीले नेपाली बजारमा भित्र्यायो अपग्रेडेड ‘कमेट इभी’

काठमाडौं । एमजी गाडीको आधिकारिक वितरक प्यारामाउन्ट मोटर्सले नयाँ एमजी कमेट इभी नेपाली बजारमा सार्वजनिक गरेको छ ।

आधुनिक सहरी जीवनशैलीलाई मध्यनजर गरि डिजाइन गरिएको यो इलेक्ट्रिक गाडी भविष्यदर्शी डिजाइन, अत्याधुनिक प्रविधि, दिगो इञ्जिनियरिङ र उत्कृष्ट सुरक्षाको संयोजन रहेको कम्पनीले दाबी गरेको छ । जसको कम्प्याक्ट आकारमा पर्याप्त स्पेस पाउन सकिन्छ ।

‘एमजी बिको’ भित्र फराकिलो, बाहिर कम्प्याक्ट डिजाइन दर्शनबाट प्रेरित कमेट इभीमा चार सिट क्षमता छ । बाहिरी रूपमा सानो देखिए पनि भित्री हिस्सा पर्याप्त फराकिलो स्पेस छ ।

५०ः५० अनुपातमा स्प्लिट भएका पछाडिका सिटहरूले यात्राको आराम बढाउँदै दैनिक यात्रा, सहरी आवागमन र छोटो दूरीका यात्रालाई सहज बनाउने कम्पनीले जनाएको छ ।

अपग्रेड गरिएका फिचरहरू

–रियर पार्किङ क्यामेरा जसले सहरी क्षेत्रमा पार्क गर्न सजिलो बनाउछ ।

–७ किलोवाटको फास्ट चार्जिङ
३.५ घण्टामै शून्यबाट १०० प्रतिशत चार्ज हुने— छिटो, सहज र प्रभावकारी रहेको छ । यसैगरी गाडीमा पावर फोल्डेबल साइड मिरर उपलब्ध छ । जसमा स्टाइल र स्पेस दुबै ध्यानमा राखिएको छ ।

कमेट इभीमा १७.३ किलोवाट क्षमता भएको प्रिज्मेटिक सेल साथ आउने लिथियम आएन ब्याट्री जडित छ, जसले एकपटक चार्ज गर्दा अराइ प्रमाणित २३० किलोमिटर सम्मको रेन्ज प्रदान गर्छ। आइपी ६७ रेटिङ भएको यो ब्याट्री धुलो र पानीबाट सुरक्षित छ र ३९ वटा सुरक्षा परीक्षण सफलतापूर्वक पास गरेको कम्पनीको दाबी छ।

कमेट इभीमा १०.२५ इन्चको डुअल स्क्रिन (इन्फोटेन्मेन्ट टचस्क्रिन र डिजिटल इन्स्ट्रुमेन्ट क्लस्टर)को सुबिधा रहेको छ । जसले भित्री भागलाई अत्याधुनिक र आकर्षक बनाउँछ। साथै, स्मार्ट कीं को सुविधा समेत दिइएको यस इभीले प्रयोगकर्ताको अनुभवलाई अझ सहज बनाउँछ।

यसैगरी गाडीमा विभिन्न सुरक्षा फिचरहरू उपलब्ध छन्, जस्तै, डुअल फ्रन्ट एअरब्याग, एबिएस र इबिडी, अगाडिको र पछाडिको ३–पोइन्ट सिटबेल्ट, रियर पार्किङ क्यामेरा र सेन्सर लगायतका उपयुक्त फिचरहरु रहेका छन् ।

कम्पनीले इभी ब्याट्रीमा ८ वर्ष र एक लाख २० हजार किमीको वारेन्टी प्रदान गरेको छ भने हाई भोल्टेज कम्पोनेन्टमा ३ वर्ष र एक लाख किमी वारेन्टी प्रदान गरेको छ ।

एमजीका सेवा केन्द्रहरू काठमाडौं कुसुन्ती, सुकेधारा, भक्तपुर, बिराटनगर, बिर्तामोड, बुटवल, भैरहवा, दाङ, पोखरा, वीरगञ्ज, नेपालगञ्ज र धनगढी जस्ता नेपालका प्रमुख क्षेत्रहरुमा उपलब्ध छन्। चार्जिङ स्टेशनहरू काठमाडौं, बिर्तामोड, बिराटनगर, चितवन, बर्दिबास, सिन्धुली, पोखरा, कुरिनटार, मुलकोट, बुटवल, वीरगञ्ज, इटहरी, जनकपुर र ढल्केवरमा सञ्चालनमा छन्।