काठमाडौं । सोमबार(आज) मन्त्रिपरिषद्को बैठक बस्दैछ । दिउँसो ३ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेगरी बैठक बोलाएको प्रधानमन्त्रीको सचिवालयले जनाएको छ ।
आजको बैठकले नेपाल राष्ट्र बैंकको गभर्नर नियुक्ति गर्ने सम्भावना रहेको बताइएको छ ।
राष्ट्र बैंकका गभर्नर महाप्रसाद अधिकारीको कार्यकालय चैत २४ मा सकिएको छ । अधिकारी आफ्नो ५ वर्षे कार्यकाल सकेर चैत २२ मै बिदा भइसकेका छन् ।
राष्ट्र बैंक ऐन २०५८ अनुसार गभर्नर पद रिक्त हुनुभन्दा एक महिना अगाडि नै नयाँ गभर्नर नियुक्त भइसक्नुपर्ने भए पनि सरकारले नयाँ गभर्नर नियुक्त गर्न सकेको छैन ।
गभर्नरको नाम सिफारिस गर्न सरकारले समिति गठन गरेको भए पनि उक्त समितिले मन्त्रिरिषद्मा नाम सिफारिस भने गरेको छैन ।
प्रतिक्रिया