काठमाडौं । प्रोटोनले विद्युतीय सवारी साधन प्रोटोन इमास ७ लाई नेपालमा आधिकारिक रूपमा सार्वजनिक गरेको छ ।
यो नवप्रवर्तनकारी मोडेलले हरियो र स्मार्ट मोबिलिटीका नयाँ युगको प्रतिनिधित्व गर्दछ, जुन नेपालमा वातावरणमैत्री यातायात समाधानहरूको बढ्दो माग पूरा गर्न तयार छ ।
प्रोटोन इमास ७ का दुई भेरियन्ट सार्वजनिक भएको छ । प्राइम र प्रिमियममा भेरियन्टमा सार्वजनिक भएको गाडीको मूल्य ५६ लाख ९९ हजार देखि सुरु हुन्छ । यो सवारी साधन छ वटा आकर्षक रङ्गमा उपलब्ध छ, जसले ग्राहकहरूलाई आफ्नै शैली अनुसार छनोट गर्ने विकल्प प्रदान गर्छ ।
प्रोटोन इमास ७ दुई ट्रिम लेभलहरू– प्राइम र प्रिमियममा उपलब्ध छ र पाँच रङ्गहरूमा आउँछ । यसको रङ्गहरू प्लाटिनम सिल्भर, टक्र्वोइज ग्रीन, स्लेट ग्रे, क्वाट्र्ज रोज र लिथियम ह्वाइट रहेका छन् ।
उद्घाटन समारोहमा जगदम्बा मोटर्स प्रालिका कार्यकारी निर्देशक अखिल गुप्ताले भने,‘हामी नेपालमा प्रोटोन इमास ७ सार्वजनिक गर्न पाउँदा अत्यन्तै उत्साहित छौं । नेपाल दिगो यातायाततर्फ अघि बढिरहेको बेला हाम्रोलक्ष्य उच्च प्रदर्शनयुक्त र वातावरणमैत्री सवारी प्रदान गर्नु हो, जसले नेपाली मोटर चालकहरूको आशा र अपेक्षालाई पूरा गर्छ र सरकारको स्वच्छ ऊर्जा नीतिलाई सघाउँछ ।’
नेपालमा विद्युतीय सवारी साधनकोपूर्वाधार र सरकारबाट प्राप्त प्रोत्साहनहरू विस्तार भइरहेका सन्दर्भमा, प्रोटोनले नेपालको हरित क्रान्तिमा आफ्नो योगदान दिन प्रतिबद्ध छ । नेपालका लागि प्रोटोनको स्थानीय वितरक जगदम्बा मोटर्सले आगामी आर्थिक वर्षमा नेपालभरि आफ्नो डिलरशिप संख्या विस्तार गर्ने र बलियो सेवा केन्द्र नेटवर्क स्थापना गर्ने योजना बनाएकोछ । साथै, प्रोटोनले नेपालमा विद्युतीय सवारीका लागि चार्जिङ्ग स्टेशन पूर्वाधार विकासमा पनि लगानी गर्नेछ ।
प्रोटोन इमास ७ मलेसियाकोअग्रणी राष्ट्रिय विद्युतीय सवारी र नयाँऊर्जा ब्रान्ड हो, जसलाई प्रो–नेटद्वारा वितरण गरिन्छ । विद्युतीय सवारीको अपनत्वमा मुख्य भूमिका खेल्दै र ब्रान्डको इकोसिस्टम निर्माण गर्दै, प्रोटोन इमास ७ नवप्रवर्तन र उत्कृष्टताको प्रतिवद्धतासहित दिगो यातायाततर्फ नेतृत्व गरिरहेको छ ।
प्रोटोन इमास ७ अब प्रोटोनकोनक्साल फ्ल्यागशिप शोरूममा बुकिबका लागि उपलब्ध छ । ग्राहकहरूले विशेष प्रारम्भिक अफरहरू र सजिलो वित्त योजनाको फाइदा लिन सक्नेछन्।
प्रतिक्रिया