बीमा प्राधिकरणको अध्यक्षका लागि आवेदन माग

काठमाडौं । नेपाल बीमा प्राधिकरणको सञ्चालक समितिको अध्यक्ष पदका लागि आवेदन माग गरेको छ ।

आज आवेदन खुला भएको हो । इच्छुकले १५ दिन भित्र कार्यालय समयमा अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा, सिंहदरबार, काठमाडौमा गोप्य खामबन्दी आवेदन दिनु पर्ने छ ।

अध्यक्षमा आवेदन दिनका लागि बीमा ऐन, २०७९ को दफा ८ को उपदफा (१) (क) बमोजिम बीमा, मौद्रिक, बैकिंङ, वाणिज्यशास्त्र, व्यवस्थापन, जनप्रशासन, तथ्याङ्कशास्त्र, गणित अर्थशास्त्र वा कानून विषयमा कम्तिमा स्नाकोत्तर वा व्यवस्थापकीय कार्य अनुभव हासिल गरी सम्बन्धित क्षेत्रमा कम्तिमा पाँच वर्षको उच्च व्यस्थापकीय काम गरेको अनुभव हुनुपर्ने छ ।

अध्यक्ष हुने व्यक्ति उच्च नैतिक चरित्र भएको हुनुपर्ने छ । अर्थ मन्त्रालय सम्बद्ध सार्वजनिक निकायका पदाधिकारी तथा सदस्यको नियुक्ति र मनोनयनसम्बन्धी मापदण्ड, २०७३ (संशोधन सहित) ले तोके बमोजिम ३० वर्ष उमेर पूरा भई ६५ वर्ष उमेर ननाघेको हुनुपर्ने छ ।

यस्तै भ्रष्टाचार, सम्पत्ति शुद्धीकरण, मानव बेचविखन, लागू औषध कारोवार, पुरातात्विक वस्तु वा संरक्षित वन्यजन्तु सम्बन्धी कसूर वा नैतिक पतन देखिने अन्य फौजदारी कसूरमा सजाय नपाएको हुनुपर्ने छ ।

प्रचलित कानून बमोजिम कालो सूचीमा समावेश भई त्यस्तो सूचीबाट फुकुवा भएको अवधि तीन वर्ष पूरा नभएको हुनुपर्ने छ ।
कुनै विदेशी मुलुकमा स्थायी आवासीय अनुमति प्राप्त नगरेको, कार्यकारी प्रमुखका हकमा सार्वजनिक निकायको कुनै ठेक्का पट्टा संझौता गरी काम नगरेको हुनुपर्ने छ ।

यस्तै मानसिक सन्तुलन ठीक भएको, आवेदन पेश गर्ने प्रक्रिया तथा संलग्न गर्नुपर्ने कागजात भएको हुनुपर्ने छ । अध्यक्षका लागि आवेदन दिन ७ हजार ५०० रुपैयाँ बुझाएको सक्कलै भौचर पेश गर्नु पर्नेछ ।